｛藏身於書店內的文青餐廳｝
Friday Night，梗係搵間餐廳去放鬆一下啦，適逢10.10 黃店感謝祭，一於搵一間又黃又chill 嘅餐廳食晚飯！
最後決定咗去位於油麻地嘅Kubrick！一間集書店同餐飲於一身嘅鋪頭。一入到去已經感受到濃濃嘅文青味道。書店所售賣嘅書籍非一於坊間書店常見。
講返餐廳，價錢中規中矩，幾十蚊一個飯或者意粉，加$35可以轉做套餐，任揀兩款加配，例如係薯條、特飲、餐湯、沙律。睇見其他人話餐湯好伏，所以我無揀到。
我叫左鮮茄肉丸意粉同卡邦尼意粉，加配就揀左薯條同西柚特飲。
啲肉丸好重蒜頭同香料味；而卡尼邦就好神奇地有樂家杏仁糖味，甜甜香香咁。薯條夠晒新鮮熱辣，西柚特飲都酸酸地好開胃！
食飽飽你仲可以行幾步過隔離睇書，甚至行下隔離電影中心添！
—————————
餐廳資料：
Kubrick
九龍油麻地眾坊街3號駿發花園H2地舖
#kubrick #文青 #書店 #餐廳 #食 #意粉 #黃店 #foodie
Search